InicioEconomíaVigo rexistrou na macroponte de decembro unha ocupación hoteleira de case o...

Vigo rexistrou na macroponte de decembro unha ocupación hoteleira de case o 93%

"Isto non sucedeu nunca. Nunca houbo na historia da cidade 10 días seguidos con estes niveis de ocupación", di o alcalde Abel Caballero.

PUBLICADO O

- Advertisement -

O alcalde de Vigo, Abel Caballero, anunciou este luns que o nivel de ocupación hoteleira durante a macroponte de decembro rozou o 93%. Na súa rolda de prensa diaria, o rexedor cualificou este feito de “impresionante”. “Isto non sucedeu nunca. Nunca houbo na historia da cidade 10 días seguidos con estes niveis de ocupación”, sinalou.

Caballero tamén destacou que Vigo foi “de longo” o destino turístico de España na macroponte de decembro foi Vigo.

“Ademais da ocupación hoteleira, hai as viaxes de ida e vinda e isto xa chega a niveis inestimables neste momento. Teremos os datos pero basta como exemplo ilustrativo o Belén da Casa das Artes que se abriu ao público o 26 de novembro e desde ese día ata este domingo, 11 de decembro, tivo 74.000 visitas, o mesmo que en todo o Nadal de 2019. O nivel de afluencia está a ser excepcional”, engadiu.

TRÁFICO EN VIGO

Por outra banda, Caballero asegurou que o tráfico na cidade durante o Nadal é “difícil”. “Estamos a ter centos e centos de miles de visitantes e por tanto o tráfico reséntese”, sinalou.

“Eu non descarto nada de cousas adicionais a facer, pero cando alguén inclumpre as normas hai que actuar. Houbo 17 vehículos, 15 estranxeiros, que as incumpriron esta fin de semana e foron multados, a algúns turismos mesmo se lle puxeron cepos”, asegurou o rexedor vigués.

Caballero tamén lembrou que “o centro da cidade é case reservado para peóns”. “Eu témome que a xente quere chegar co coche ao centro e isto non é posible porque son moitos coches e o centro non ten cabida para esa gran acometida pero o Nadal está a ser excepcional”, sentenciou.

CRÍTICAS DO BNG

Pola súa banda, o Bloque Nacionalista Galego (BNG) esixiu ao goberno local unha rectificación urxente do plan de tráfico e o dispositivo de seguridade do Nadal para “evitar unha desgraza”.

O concelleiro e candidato á alcaldía de Vigo do BNG, Xabier Pérez Igrexas, cualificou de “caos perigosísimo” o vivido na última fin de semana.

Así mesmo, demandou un maior número de efectivos de Policía Local e Protección Civil, así como un reforzo do transporte público e a habilitación de zonas de aparcadoiro disuasorio nos accesos á cidade.

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O CEO de Stellantis avisa dunha ballata “moi dura” coas marchas chinesas de vehículos

O conselleiro delegado (CEO) de Stellantis, Carlos Tavares, lanzou unha advertencia contra as autoridades...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

Tanxugeiras interpretarán o himno galego no encontro da selección galega contra Panamá en Vigo

Tanxugueiras serán as encargadas de pór voz ao himno galego no regreso da Selección...