InicioEconomíaO Parlamento galego pide prazos e diñeiro para a conexión de Vigo...

O Parlamento galego pide prazos e diñeiro para a conexión de Vigo con Porto

PUBLICADO O

Os grupos na Cámara galega uníronse para reclamar avances na conexión por liña de alta velocidade ferroviaria entre Vigo e O Porto, para a que demandan prazos e partidas orzamentarias que permitan avanzar nunha infraestrutura que PP, BNG e PSdeG consideran “fundamental”. Así figura nunha iniciativa parlamentaria presentada polo Grupo Popular e que foi aprobada co respaldo de todo o hemiciclo na sesión plenaria celebrada este mércores no Pazo do Hórreo.

O texto, defendido pola deputada do grupo maioritario Teresa Egerique, demanda avances “inequívocos” nos tramos entre Vigo e O Porriño e entre esta localidade pontevedresa e a fronteira lusa a través de partidas nas contas de 2023 “que permitan compasar os tempos á planificación prevista polo Goberno de Portugal”, que establece como marco temporal o ano 2030 para a chegada do AVE a Valença do Minho.

E é que a parlamentaria popular lamentou que o Goberno central “só” orzamentase 29.000 euros de face ao próximo ano e “cero” de cara “aos próximos exercicios” para esta infraestrutura “estratéxica”, o que, a xuízo de Egerique, contrastra coa forma de proceder os seus homólogos en Portugal, que “demostran” o seu compromiso “con prazos, plans e diñeiro”.

Imos apoiar porque é unha actuación fundamental para os dous países e para Galicia. Pero pedimos que non tenten torpedear as relacións dos gobernos de Portugal e España”, aseverou a deputada socialista Patricia Otero, que defendeu que o compromiso do Executivo de Pedro Sánchez coa conexión por alta velocidade entre Vigo e O Porto “é total”

Pola súa banda, o BNG responsabilizou a PP e PSOE de que esta conexión aínda estea pendente de ser unha realidade en 2022, ano no que o AVE Vigo-O Porto vive “un novo tempo” debido ao Goberno portugués, “que lle dixo ‘non’ ao Goberno español, que a súa prioridade non era unha liña entre Madrid e Lisboa”.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...