InicioEconomíaArmadores de Vigo impulsan a dixitalización da frota

Armadores de Vigo impulsan a dixitalización da frota

Farase unha proba piloto en cinco buques cunha subvención do Ministerio de Agricultura, Pesca e Alimentación.

PUBLICADO O

A Cooperativa de Armadores de Pesca do Porto de Vigo (ARVI) impulsará a dixitalización da súa frota mediante o proxecto MSAFA, tras recibir unha subvención do Ministerio de Agricultura, Pesca e Alimentación para a implantación de equipos de conectividade, ferramentas de mellora da xestión pesqueira e sistemas de teleasistencia médica en cinco dos seus buques.

Tal como indicou ARVI, coa recuperación económica e os obxectivos da axenda 2030 tan preto, a dixitalización do sector pesqueiro é máis necesaria que nunca.

Por iso, o Proxecto Piloto para a Mellora Social e Ambiental da Frota de ARVI (MSAFA) pretende impulsar a dixitalización da actividade pesqueira, o aspecto social e o ambiental da frota mediante a instalación e implantación de equipos de conectividade, ferramentas de mellora da xestión pesqueira e sistemas de teleasistencia médica.

“O obxectivo xeral deste proxecto é avaliar mediante unha proba piloto a implantación de sistemas que permitan, a partir da dixitalización da frota, o desenvolvemento dunha pesca sustentable e resiliente, adaptándose ás variacións do medio mariño”, explicou ARVI.

Nesta liña, MSAFA contempla a instalación dunha serie de equipos de conectividade que, ademais de permitir unha comunicación continua con terra mellorando a calidade de vida dos tripulantes, servirán de base para a instalación dos equipos de telemedicina.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...