InicioVal MiñorGondomarA depuradora de Gondomar seguirá xestionada por Augas de Galicia cun investimento...

A depuradora de Gondomar seguirá xestionada por Augas de Galicia cun investimento de 1,4 millóns

Tal como indicou o Goberno galego nun comunicado, con este acordo Augas de Galicia renova esta concesión para os próximos dous anos, ata o 30 de maio de 2024.

PUBLICADO O

A conselleira de Infraestruturas e Mobilidade, Ethel Vázquez, en calidade de presidenta de Augas de Galicia, asinou este luns por vía telemática un novo convenio de colaboración co Concello de Gondomar polo que a Xunta continuará facéndose cargo da explotación da depuradora de augas residuais de titularidade municipal.

Tal como indicou o Goberno galego nun comunicado, con este acordo Augas de Galicia renova esta concesión para os próximos dous anos, ata o 30 de maio de 2024, polo que a entidade hidráulica asume a súa explotación, á que destinará un investimento de case 1,4 millóns de euros.

“O departamento que preside Ethel Vázquez atende así á vontade manifestada polo Concello de que Augas de Galicia continúe xestionando e explotando as instalacións e, en consecuencia, a prestación do servizo de depuración de augas residuais de competencia municipal”, explicou a Xunta.

Desde o inicio da colaboración, a Xunta investiu case 9,2 millóns de euros na xestión da depuradora municipal de Gondomar, proxectada para o tratamento dun caudal medio de 6.720 metros cúbicos ao día e unha capacidade de depuración estimada para unha poboación de 24.000 habitantes.

A pesar de que os servizos de saneamento e abastecemento de auga son unha responsabilidade de carácter municipal, a Xunta de Galicia proporciona o seu apoio técnico e financeiro aos concellos que o necesitan desde hai anos.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Deteñen en Vigo a un mozo de 18 anos por unha suposta agresión sexual e intervéñenlle unha pistola simulada

Axentes da Policía Local de Vigo detiveron este domingo a un mozo de 18 anos...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...