InicioAs obras da intermodal de Cangas rematarán en xullo, segundo a Xunta

As obras da intermodal de Cangas rematarán en xullo, segundo a Xunta

Ethel Vázquez asegura que a intervención vai "lenta" pola folga de transporte.

PUBLICADO O

A conselleira de Infraestruturas e Mobilidade, Ethel Vázquez, visitou este xoves a estación intermodal de Cangas para supervisar o avance das obras de reforma iniciadas en marzo, e confirmou que os traballos estarán finalizados en xullo, tras un investimento de 400.000 euros por parte da administración autonómica.

Segundo apuntou a conselleira, nesta área intermodal, a estación de buses acolle cada ano a 70.000 viaxeiros e 40.000 expedicións, mentres que a estación marítima rexistrou o ano pasado case 700.000 usuarios. As obras de reforma permitirán “pór en valor o edificio singular, mantendo a súa estética orixinal, e potenciarase o carácter intermodal, mellorando a funcionalidade, as condicións de seguridade na contorna, facilitando a accesibilidade e cunha aposta pola eficiencia enerxética”, incidiu.

As obras evolucionaron lentamente ata o momento debido, segundo Ethel Vázquez, ao paro do transporte, aínda que esta semana xa comezaron os traballos de demolición na dársena dos autobuses. A partir de aí avanzarase nas instalacións interiores coa climatización e ventilación e, pasada a Semana Santa, iniciarase a limpeza e o decapado dos elementos exteriores metálicos e os traballos da cuberta. A finais de abril será o momento das particiones e cerramentos, as portas de acceso, revestimentos, falsos teitos e chapas de remate da fachada.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Deteñen en Vigo a un mozo de 18 anos por unha suposta agresión sexual e intervéñenlle unha pistola simulada

Axentes da Policía Local de Vigo detiveron este domingo a un mozo de 18 anos...

PSOE e BNG de Vigo censuran a ausencia de conselleiros vigueses no novo goberno autonómico

As agrupacións locais de PSOE e BNG en Vigo criticaron este luns a ausencia...