InicioEconomíaVitrasa denuncia un ataque a un autobús e pide ao comité finalizar...

Vitrasa denuncia un ataque a un autobús e pide ao comité finalizar un conflito “desproporcionado”

A folga dos traballadores pasou a ser indefinida de luns a venres, fóra dos festivos.

PUBLICADO O

A concesionaria do transporte urbano de Vigo, Vitrasa, denunciou un novo ataque a un dos autobuses da súa frota e pediu ao comité de empresa pór fin a un conflito “desproporcionado” tras 22 días de paros no servizo.

Así se manifestou nun comunicado difundido este luns, cando precisamente a folga convocada polo comité de empresa pasou a ser indefinida de luns a venres, fóra dos festivos. A este respecto, asegurou que os paros “se levan a cabo sen a totalidade do apoio do persoal”, que “de maneira crecente está a acudir a traballar”, segundo a empresa.

Neste sentido, a concesionaria remarcou que o persoal conta cun convenio propio que “ofrece aos traballadores as mellores condicións” do sector en Galicia e insistiu en que mantivo “o pleno emprego e o poder adquisitivo” dos mesmos a pesar da situación derivada da pandemia.

Ademais, sinalou que propuxo “melloras que atenden directamente as peticións” dos representantes sindicais e un calendario de reunións, pero que “foron rexeitadas por parte do comité”. Por iso, apelou ao comité de empresa a que “poña fin a este conflito desproporcionado canto antes”.

Adicionalmente, denunciou un novo ataque contra un autobús en servizo, o lanzamento de pedra contra un vehículo que tivo lugar pasadas as 20,20 horas deste sábado na rúa Falcoido.

Pola súa banda, preguntado en rolda de prensa, o alcalde de Vigo, Abel Caballero, insistiu en que os empregados “teñen un dereito constitucional que é a folga” e sinalou que as relacións laborais “lévanse entre empresa e traballadores”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...