InicioEconomíaVigo sae á rúa en defensa do sector naval e polo futuro...

Vigo sae á rúa en defensa do sector naval e polo futuro da comarca

A CIG denuncia a "situación límite" do sector naval e alertou de que pode desaparecer como se coñece.

PUBLICADO O

Centenares de persoas percorreron este martes as rúas de Vigo desde A Dobrada ata a Delegación Territorial da Xunta nunha manifestación convocada por CIG en defensa do sector naval e polo futuro da comarca.

Deste xeito, o sindicato buscou rexeitar unha reconversión “encuberta” que “acabe por afundir definitivamente o naval” e reclamar unha intervención pública que permita que Hijos de J. Barreras sexa nun estaleiro público ou semipúblico para “blindar a continuidade da actividade e o emprego nun sector estratéxico”.

Neste contexto, o secretario comarcal de CIG-Vigo, Alberto Gonçalves, puxo o foco no avance da “desertización industrial” que “ameaza xa non só o futuro senón o presente” e lembrou que desde o inicio da pandemia destruíronse 1.500 empregos en actividades industriais na cidade.

Así as cousas, o sindicato denunciou que esta situación de crise industrial continúe “sen que a Xunta do PP nin o Goberno español de PSOE e Unidas Podemos reaccionen e actúen para porlle freo”.

Gonçalves incidiu ademais na “situación límite” do sector naval e alertou de que pode desaparecer como se coñece. Así, reprobou os “atrancos” da Autoridade Portuaria de Vigo, que “boicotean a recuperación da actividade na antiga Vulcano”, mentres Barreras “avanza sen freos cara a un escenario de liquidación”, noutros estaleiros hai “falta de carga de traballo” e a industria auxiliar “continúa estrangulada por causa da situación”.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...