InicioEconomíaO Concello de Vigo dá luz verde ao proxecto de expropiación para...

O Concello de Vigo dá luz verde ao proxecto de expropiación para construír o bulevar na Avenida de Europa

O novo tramo terá 7 metros de ancho.

PUBLICADO O

A xerencia de Urbanismo do Concello de Vigo aprobou este martes o proxecto de expropiación para a construción dun gran bulevar na Avenida de Europa, entre Tomás Paredes e a praia de Samil, con beirarrúa e carril bici na marxe dereita.

Así o confirmou o alcalde, Abel Caballero, quen explicou que o proceso levarase a cabo mediante o sistema de tasación conxunta. As expropiacións afectan a 87 leiras que suman 10.500 metros cadrados e o Concello destinará ás mesmas case 835.000 euros.

Este paseo, que dará continuidade ao bulevar que empeza na Praza de América e esténdese por Avenida Castelao, terá un investimento de 4,5 millóns de euros (para o que o Concello optará a fondos europeos Next Generation) e un prazo de execución de 22 meses.

Tras a aprobación do proxecto expropiatorio, abrirase un prazo de exposición ao público e o Concello notificará aos titulares das parcelas afectadas. Superado ese trámite, resolveranse as alegacións, se as houbese, e procederase á ocupación das leiras.

O novo tramo de bulevar terá 7 metros de ancho e un carril segregado para bicis, ademais de zonas verdes, novo mobiliario urbano e iluminación e novas canalizacións.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...