InicioEconomíaBuscando proxectos transfronteirizos para impulsar a economía

Buscando proxectos transfronteirizos para impulsar a economía

A aceleradora transfronteiriza CoLogistics preselecciona 17 proxectos para dar resposta a retos loxísticos de empresas

PUBLICADO O

- Advertisement -

A sede da Confederación de Empresarios de Pontevedra (CEP) en Vigo acolleu este venres o acto de ‘lanzamento’ de proxectos da convocatoria da aceleradora transfronteiriza CoLogistics para dar resposta aos retos loxísticos de máis dunha vintena de empresas de Galicia e do Norte de Portugal.

A convocatoria pechouse en setembro coa participación de máis dunha vintena de empresas ‘tractoras’ de Galicia e Portugal que expuñan 22 retos relacionados co ámbito loxístico, e coa presentación de 40 proxectos para dar resposta a esas demandas. Na xornada deste venres fíxose o ‘lanzamento’ das 17 ideas preseleccionadas.

O próximo 8 de novembro está previsto que o comité executivo da CBA (CoLogistics Business Accelerator), conformado por CEP, AEP e Igape, revelen os nomes dos 14 proxectos aos que finalmente se adxudicará a resolución dos retos.

O presidente da CEP, Jorge Cebreiros, valorou como un éxito esta primeira convocatoria da aceleradora, cuxo resultado “superou as expectativas” inicialmente expostas, e subliñou que esta iniciativa non só pon en valor a cooperación entre o público e o privado, senón tamén a colaboración entre entidades a ambos os dous lados da fronteira.

Pola súa banda, o responsable do Igape, Fernando Guldrís, sinalou que actuacións como esta permitirán incrementar a competitividade en materia de loxística transfronteiriza, á vez que lembrou que esta actividade é “clave para a mobilidade empresarial” e que, de feito, en Galicia hai unhas 12.000 empresas dedicadas á loxística, que dan emprego a case 50.000 persoas e facturan uns 2.300 millóns de euros anuais.

Finalmente, o presidente do Porto de Vigo, Jesús Vázquez Almuíña, destacou que a CoLogistic Business Accelerator é unha ferramenta “moi interesante” no actual contexto de crise global de subministracións.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...