InicioEconomíaEn defensa dun ferrocarril "público e social"

En defensa dun ferrocarril “público e social”

Vigo e A Coruña  acolleron senllas concentracións convocadas pola Coordinadora Galega polo Tren Público Social e Sostible.

PUBLICADO O

Vigo e A Coruña  acolleron este venres senllas concentracións convocadas pola Coordinadora Galega polo Tren Público Social e Sostible para esixir un ferrocarril “público, social, ecolóxico e sustentable”.

Decenas de persoas participaron nas concentracións, celebradas nas estacións de tren de Vigo-Guixar e A Coruña-San Cristóbal.

Nelas, exhibiuse unha pancarta coa lema da convocatoria, ‘Por un ferrocarril público e social’, e procedeuse á lectura dun manifesto coas principais reivindicacións. Entre estas, está un tren que “vertebre o territorio e que sexa sustentable co medio ambiente”, ademais da instalación dunha rede de proximidade en Galicia.

Esta convocatoria enmarcouse nas protestas celebradas a nivel estatal por todas as plataformas en defensa do tren, coincidindo coa celebración do Ano do Ferrocarril.

O membro da Coordinadora e portavoz da Plataforma en Defensa do Tren da Coruña-As Mariñas, Alberto Díaz, trasladou o rexeitamento da primeira entidade a un tren de alta velocidade “porque supón a desvertebración do territorio e o desmantelamento de liñas”.

“Consome todo o orzamento”, dixo tamén. Por iso, pediu unha “moratoria” neste tipo de liña e un investimento nas convencionais para “favorecer a mobilidade” e facelas “máis sustentables”, de forma tamén que se reduza o tráfico rodado en cidades cun alto nivel de desprazamentos.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...