InicioEconomíaH&M trasladará a tenda de Vigo sen despedir traballadoras

H&M trasladará a tenda de Vigo sen despedir traballadoras

Aplicará un ERE e pasarán a cobrar o 80% do salario.

PUBLICADO O

- Advertisement -

A cadea de moda H&M alcanzou un preacordo cos sindicatos para reducir o alcance do expediente de regulación de emprego (ERE) a un máximo de 349 traballadores, fronte aos case 1.100 afectados que propuxera inicialmente a empresa no mes de abril, segundo informou o sindicato Comisións Obreiras (CCOO) este venres.

Nese acordo figura, segundo informou CC.OO., que non se pechará a tenda da firma en Ourense –tampouco as de L’Ila e Loranca–, mentres que o establecemento que estaba previsto clausurar en Vigo trasladarase a outro lugar. O persoal desta última tenda formará parte dun expediente de regulación temporal de emprego (ERTE) cun 80% de salario.

A formación sindical precisou que este preacordo terá que ser ratificado por cada unha das partes implicadas antes do próximo martes 25 de maio, cando está previsto que se realice a firma do acordo definitivo.

No proceso de negociación, os representantes dos traballadores e a empresa tamén acordaron unha serie de modificacións fronte ás propostas iniciais. Así, a adscrición ao ERE será voluntaria, tendo preferencia as persoas que foron afectadas inicialmente.

A indemnización será de 45/33 días por ano traballado máis unha prima por antigüidade. Os traballadores que teñan ata cinco anos, cobrarán 3.000 euros, entre cinco e dez anos, 4.000 euros; e máis de dez anos, 5.000 euros.

A cambio de reducir o número de despedimentos, a empresa reducirá a xornada para 170 persoas. Esta redución non será superior ao 20% e terá unha duración de dous anos, tras o cal revisarase para “poder volver á súa xornada inicial”.

“CCOO valora positivamente o preacordo alcanzado, que permitiu conseguir unha redución importante de persoas afectadas, a alternativa de vacantes e que aquelas persoas que finalmente abandonen a compañía fágano de maneira voluntaria e con boas condicións. Este acordo non fose posible sen o seguimento maioritario que se fixo das mobilizacións por todo o persoal”, subliñou o sindicato.

ÚLTIMAS

Estoupa un artefacto explosivo na sede de UGT en Vigo

UGT-Galicia denunciou un ataque con un artefacto explosivo na sede que o sindicato ten...

Miles de persoas protestan en Vigo para defender a “democracia, a vivenda e a sanidade”

Miles de persoas manifestáronse este mércores polas rúas de Vigo, convocadas por UGT e...

A folga pecha o comercio en Vigo con piquetes activos en centros como o de Vialia

A folga xeral mantén pechada boa parte do comercio galego, que afronta esta xornada...

Amplo seguemento da folga na área de Vigo, segundo os sindicatos

Por zonas, a central nacionalista informa de que, en Vigo, na farmacéutica Cofano xa...