A fronteira entre Galicia e Portugal leva fechada case mes e medio. O Goberno portugués decidiu ampliar ese pecho ata o 16 de agosto e, ante a proximidade desa data, a Xunta pide “sensibilidade” cos traballadores transfronteirizos e o transporte de mercadorías.

“Hai que ser prudente porque a situación sanitaria de Portugal lle corresponde ao Goberno portugués decidila pero pido que se valore determinadas posibilidades de apertura en determinados lugares onde só hai dous puntos de acceso e non evitar grandes desprazamentos”, dixo o presidente da Xunta, Alberto Núñez Feijóo este xoves.

Na rolda de prensa posterior ao Consello da Xunta, preguntado sobre a posibilidade de novas prórrogas neste peche, que está sendo moi criticado polos concellos e traballadores transfronteirizos, Feijóo insistiu en que a decisión de abrir ou non é do Goberno portugués, “que é moi serio”, pero pediu que, se mantén fechada, “habería que tfacilitar entrada e saída de traballadores e mercadorías”.