InicioEconomíaVigo segue sendo un referente na construción de vehículos a pesar da...

Vigo segue sendo un referente na construción de vehículos a pesar da crise

A planta de Stellantis en Vigo, a que máis vehículos produciu e a única que aumentou o seu volume en 2020.

PUBLICADO O

- Advertisement -

A planta do novo grupo Stellantis en Vigo converteuse na que máis vehículos fabricou en España durante o ano pasado e tamén foi o único centro nacional que logrou mellorar os seus rexistros produtivos en comparación con 2019, segundo datos das diferentes fábricas aos que tivo acceso Europa Press. E iso, a pesar da grave crise provocada pola covid.

O centro galego liderou así a clasificación das factorías con maior volume produtivo en España, onde se fabricaron 2,26 millóns de vehículos o ano que acaba de terminar, o que supón unha baixada do 19,6%, a causa do peche das instalacións polas medidas para conter a expansión do coronavirus e pola caída do mercado automobilístico español.

A fábrica de Stellantis pechou 2020 con volume lixeiramente inferior ás 500.000 unidades, o que supón un incremento do 23% en comparación coas case 407.000 unidades coas que finalizou o exercicio pasado.

A segunda praza por volume foi tamén para un centro do extinto Grupo PSA, agora Stellantis, o de Figueruelas (Zaragoza), cunhas 391.000 unidades, o que representa unha baixada do 17%, mentres que o terceiro posto recaeu en Seat Martorell (Barcelona), cunhas 350.000 unidades e unha redución do 30%.

Do seu lado, a instalación de Volkswagen en Landaben (Navarra) ensamblou uns 243.000 vehículos durante o ano pasado, un 24% de diminución na comparativa internanual, á vez que Ford Almussafes recortou un 32% as súas cifras respecto de 2019, cunhas 235.000 unidades.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...