A dirección da planta de PSA Peugeot Citroën en Vigo comunicou este xoves ao comité de persoal a decisión de suspender a quenda de noite do sistema 2 o domingo 8 de novembro, co fin de axustar a produción á demanda do mercado.

Segundo confirmaron fontes da empresa, a decisión de suspender esa quenda no sistema 2, que monta as furgonetas na planta viguesa, responde a “un axuste natural” segundo as “evolucións da demanda comercial”.

Así, a empresa lembrou que esa demanda é “especialmente inestable” no actual contexto de pandemia e, ante ese escenario, a fábrica actúa “cos mecanismos de flexibilidade habituais acordados coa maioría sindical, que permiten adecuar a apertura sen afectar o emprego”.