InicioEconomíaO PSdeG insta a Xunta a utilizar todas as vías legais para...

O PSdeG insta a Xunta a utilizar todas as vías legais para frear a poxa de Maderas Iglesias e atopar investidores

A empresa do Porriño recibiu 2,4 millóns de euros en axudas públicas.

PUBLICADO O

O portavoz de Industria do Grupo Socialista, Martín Seco, pediulle este martes á Xunta que utilice “todos os instrumentos legais” para frear a poxar da empresa do Porriño Maderas Iglesias e atopar novos investidores.

Xunto ao secretario xeral do PSdeG, Gonzalo Caballero, e as deputadas Carmen Rodríguez e Paloma Castro, o parlamentario socialista reuniuse este martes na Cámara galega con representantes do Comité de Empresa de Maderas Iglesias.

Martín Seco esixiulle ao Goberno galego que “non dea por perdido o investimento público que recibiu a empresa” e que ascende a 2,4 millóns a través do Igape, e que se implique na procura de novos investidores, activando, ademais, os mecanismos de axuda para evitar o peche dunha empresa que dá traballo a 150 traballadores.

Os socialistas galegos demandan o apoio do Goberno galego a un persoal “pendente da conta atrás” ata a poxa e despois “dunha década de problemas financeiros”.

Nesta liña, indica que a inquietude entre os traballadores é “total” polo inminente anuncio da poxa do inmoble da fábrica a consecuencia dunha resolución do Xulgado número tres do Porriño, segundo sentenza do pasado mes de agosto.

Segundo o PSdeG, os traballadores mesmo temen que o inmoble, valorado en 28 millóns, sexa vendido por unha cantidade inferior para un negocio inmobiliario.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...