InicioEconomíaPrensa Ibérica, o grupo dono do Faro de Vigo, prepara un Expediente...

Prensa Ibérica, o grupo dono do Faro de Vigo, prepara un Expediente de Regulación de Emprego

PUBLICADO O

Prensa Ibérica, o conglomerado de medios propiedade do empresario Javier Moll e que é dono, entre outros, de Faro de Vigo e La Opinión da Coruña, en Galicia, acaba de anunciar que realizará un Expediente de Regulación Temporal de Emprego ( ERTE) de forma xeneralizada en todas as súas cabeceiras, incluídas as dúas galegas.

Prensa Ibérica ten 17 cabeceiras rexionais, entre xornais e revistas. A empresa trasladou este luns a decisión de presentar un ERTE de redución de xornada durante 4 meses, pero que aínda non hai unha fórmula definida, segundo apunta Economía Digital. Ademais de ao Faro e La Opinión, o ERTE afectará a cabeceiras do grupo, como La Nueva España ou Levante EMV, ademais de Periódico de Catalunya, o novo buque insignia do grupo desde que Prensa Ibérica decidiu comprar Zeta.

Non é o único gran grupo de comunicación afectado. A dirección do grupo Vocento trasladou á súa representación sindical que se acollerá ao ERTE para despedir xente nas súas áreas de xestión comercial, que se traducirá no recorte dun 40% do salario e da xornada laboral. Só se libraría deste expediente as áreas de redacción, rotativas e sistemas, considerados servizos críticos no traballo do grupo. Vocento edita cabeceiras emblemáticas como ABC, El Correo ou El Diario Vasco.

Tamén medios galegos barallan esta posibilidade e aínda que non se fixo efectiva, nin hai anuncios concretos, o certo é que grupos como La Voz de Galicia, El Progreso ou La Región tamén poderían acollerse a ERTES.

CRISE

Esta decisión coincide coa chamada de auxilio de diferentes colexios e asociacións de medios de comunicación que representan tanto ás televisións, ás radios, á prensa e aos diarios dixitais. Todas elas coincidiron en solicitar axudas ao Goberno para afrontar o esborralle publicitario que está a supoñer para eles as medidas para frear o coronavirus, que pasan por frear a economía en seco, coa consecuente caída do consumo e da publicidade.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...