A Xunta de Galicia saíu este luns ao paso das declaracións do alcalde de Vigo, Abel Caballero, quen convidou ao Consello de Contas a examinar as axudas públicas a aeroportos, e insistiu en que a Administración galega non subvenciona liñas áereas.

Así, despois de que o alcalde pedise que se investigue cantas axudas se conceden, a través de Turismo de Galicia, a aeroliñas para que operen desde Lavacolla, o Goberno galego contestou, a través dun comunicado, que se suma a esa petición.

Despois de insistir en que non dá axudas a aeroliñas, pediu que o Consello de Contas examine as axudas “canto antes”. “Iso si, se o Consello de Contas conclúe, como defende a Xunta, que non se subvencionan liñas aéreas e que o alcalde de Vigo mente, esperamos que rectifique e pida desculpas“, resolveron fontes do Executivo autonómico.

O alcalde de Vigo pregúntase “cantas” axudas públicas concedéronse a aeroportos