InicioEconomíaAs zonas francas de Vigo e Barcelona exploran novas vías de cooperación

As zonas francas de Vigo e Barcelona exploran novas vías de cooperación

Ambos os delegados celebran que poida conformarse un novo goberno no Estado.

PUBLICADO O

- Advertisement -

Os delegados das zonas francas de Vigo e Barcelona, David Regades e Pere Navarro, trasladaron este mércores a súa intención de apontoar alianzas e reforzar a súa cooperación futura, tal e como trasladaron tras manter unha reunión de traballo na cidade olívica.

Tras o encontro, o delegado do Estado na Zona Franca de Vigo lembrou que, nos últimos 15 meses, ambos os organismos xa foron capaces de colaborar na posta en marcha dunha ferramenta tecnolóxica para axilizar os trámites aduaneiros.

No futuro, subliñou David Regades, as zonas francas fortalecerán a súa colaboración en ámbitos como a economía sustentable, o apoio á industria (especificamente na área da automoción) ou os obxectivos de desenvolvemento sustentable.

Pere Navarro, pola súa banda, subliñou o papel das zonas francas de Vigo e Barcelona como “motores impulsores de novas oportunidades” e “punta de lanza” no desenvolvemento económico do territorio.

Entre as vías de colaboración, o delegado do organismo catalán apuntou a posibles intercambios nas aceleradoras de empresas, así como na presenza de ambas as zonas francas en feiras e eventos.

NOVO GOBERNO

Finalmente, cuestionados ambos os delegados sobre a investidura e a conformación do novo Goberno de España, celebraron o fin da situación de interinidade no Executivo.

Regades apuntou que é “moi necesario” un novo goberno para poder avanzar en iniciativas como a oferta para acoller en Vigo unha planta de baterías, ou o desenvolvemento de chan industrial.

Pere Navarro, pola súa banda, sinalou que as zonas francas deben ser “espazos de consenso político, económico e social”, e valorou que o presidente Pedro Sánchez e o seu Goberno son “especialmente sensibles” coa axenda 2030 e cos obxectivos de desenvolvemento sustentable, que estes organismos estatais teñen no seu horizonte.

ÚLTIMAS

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...