Un proxecto no que colaboran Anfaco-Cecopesca e a Universidade de Vigo (UVigo) buscará desenvolver métodos de baixo custo e escalables para mellorar a supervivencia e o rendemento das sementes do mexillón.

Segundo trasladou Anfaco-Cecopesca nun comunicado, a iniciativa, denominada ‘Musselect‘, contará así coa participación da Estación de Ciencias Mariñas de Toralla (ECIMAT). En concreto, no marco do proxecto ensaiaranse e validarán diferentes metodoloxías innovadoras para reducir a dependencia das microalgas vivas cultivadas in situ e substituílas por produtos concentrados e liofilizados.

Tamén se buscará mellorar os métodos que permitan trasladar a semente do mexillón ao medio natural no menor tempo posible paraUnha investigación da Uvigo trata de reducir os custos relativos á alimentación e o tratamento e acondicionamento da auga.

Adicionalmente, seleccionaranse reprodutores con características de alto crecemento e resistencia a condicións adversas para iniciar estirpes de mexillón melloradas. Este proxecto foi motivado polo incremento da temperatura do océano e a súa acidificación, que poden ameazar a produción do mexillón en Galicia. Ante esta situación, buscouse adaptarse a estas alteracións nas condicións do medio natural mediante unha selección xenética de familias que presenten características de crecemento elevado ou resistencia a determinadas condicións ambientais, o que mellorará a cota de produción na comunidade.

Ademais, buscouse reducir a dependencia das sementes naturais para poder mellorar as súas características e evitar o condicionamento temporal da produción que levan.