InicioEconomíaA Xunta lembra a Ritz Carlton que "non lle é posible establecer...

A Xunta lembra a Ritz Carlton que “non lle é posible establecer axudas a fondo perdido” para terminar o seu cruceiro

O conselleiro de Economía entende que "a solución debe permitir afrontar o conxunto da carga de traballo do estaleiro".

PUBLICADO O

A Xunta de Galicia subliñou a “imposibilidade” de acceder á axuda millonaria e “a fondo perdido” que Ritz Carlton solicita para terminar o seu cruceiro e lembra que a solución á situación de Barreras ten que pasar algo que dunha resposta “integral” ao conxunto da carga de traballo.

“O estaleiro Barreiras ten nestes momentos unha situación na que, por unha banda, os accionistas deben dar unha resposta pero, sobre todo, o armador debe expor algo que sexa viable desde o punto de vista da estrutura financeira e da colaboración que pode trasladarlle a Xunta de Galicia”. Así o manifestou este martes o conselleiro de Economía, Emprego e Industria, Francisco Conde, durante a súa visita a Ourense.

Desde o Goberno galego entenden que “se debe dar unha resposta integral a toda a carga de traballo que ten o estaleiro, (ademais do cruceiro ‘Evrima’, encargado por Ritz Carlton, o estaleiro vigués tiña contratos con Havila e o grupo Armas)”.

Por esta motivo a Xunta encargou unha Auditoría que “continúa traballando para ver cales son esas necesidades financeiras e establecer onde é posible axudar“.”Desde a Xunta seguimos traballando para estar na solución”, manifestou Conde. Unha resolución que “debe pasar por un compromiso por parte do estaleiro de desenvolver o conxunto da carga de traballo”, reiterou.

A Xunta “desde o primeiro momento” está a trasladar “a súa colaboración financeira“, sinalou Conde. “Fixémolo xa cando aprobamos a liña de préstamos orientados a precisamente á industria auxiliar para que poida acompañar ás necesidades de financiamento que ten a construción do cruceiro”, explicou.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...