O conselleiro de Economía, Emprego e Industria, Francisco Conde, destacou que a solicitude de preconcurso de acredores de Barreiras abre un período para “ver como entre todos se pode articular unha saída e garantir esa continuidade do estaleiro”.
En declaracións a Europa Press este xoves en Santiago, Conde valorou que “este paso” que toma Barreiras servirá para “tentar identificar como se pode garantir a viabilidade do estaleiro“.
Tras participar na presentación dunha exposición sobre química, sinalou que se debe traballar para identificar “como garantir a carga de traballo”, así como “o futuro” dos empregos e da actividade do estaleiro.
“A partir de aí haberá que ver a posición dos accionistas, a posición das entidades financeiras e dos armadores”, explica, para buscar unha solución.