InicioEconomíaO presidente do Porto de Vigo acusa a Greenpeace de "denigrar" a...

O presidente do Porto de Vigo acusa a Greenpeace de “denigrar” a imaxe dos pescadores galegos

Enrique López Veiga rexeita a invitación da ONG para visitar o seu buque insignia, o 'Rainbow Warrior', que atracará na cidade entre 25 e o 29 de xullo.

PUBLICADO O

O presidente da Autoridade Portuaria de Vigo, Enrique López Veiga, acusou a Greenpeace de “denigrar” a imaxe dos pescadores galegos e rexeitou a súa invitación para visitar o seu buque insignia, o ‘Rainbow Warrior’, que atracará na cidade olívica entre 25 e o 29 de xullo.

Así se pronunciou través dun correo electrónico en resposta á organización, que solicitou atracar no porto vigués barco e convidou a López Veiga a visitalo para coñecer a súa campaña, centrada na concienciación sobre o cambio climático.

Aínda que o presidente do Porto autorizou a petición do navío debido a que se axusta á legalidade, rexeitou visitalo ao aludir ao feito de que esta entidade xa conta cun plan de redución de gases nocivos e de loita contra o cambio climático.

Así mesmo, condenou os “métodos” de Greenpeace, á que acusou realizar “pintadas” e “actos incívicos”. Así, asegurou que membros da organización se subiron ás redes de arrastre pesqueiros galegos e acusouna de “entorpecer” o traballo dos palangreiros que faenan de acordo coa normativa vixente.

Deste xeito, López Veiga sinalou que a entidade ecoloxista non será do seu “agrado” ata que comece a “respectar a honestidade e a boa imaxe dos pescadores galegos”.

Lea entre palangreiros da Guarda e activistas de Greenpeace pola sobrepesca de quenllas

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...