Un total de 34 investigadores de alto nivel da promoción 2016, entre eles varios da Universidade de Vigo, contratados a través do programa autonómico I2C de axudas de apoio á etapa de formación posdoutoral ficaron sen traballo e sen saber o que vai ser deles este pasado domingo 30 de xuño. Unha situación que se produce “pola falta de vontade e previsión” da Xunta de Galicia á hora de facilitar o seu tránsito entre a Modalidade A e a Modalidade B deste programa.

Nun escrito asinado por 12 deles son moi críticos coa Xunta por, penalizar, ademais, a aqueles que pediron unha baixa de maternidade ou paternidade, cando hai uns dias a conselleira de Política Social presentaba a Lei de Impulso Demográfico de Galicia que, supostmamente, contiña beneficios laborais para os pais e nais que solicitaran permisos de paternidade ou maternidade. Tamén porque favorecen, din, “a fuga de cerebros”. Toda a información no Galicia Confidencial.