O alcalde de Vigo, Abel Caballero, avanzou que este luns se iniciaron unhas xornadas de ‘networking’ de Industria 4.0 nas que se abordarán a dixitalización e as novas tecnoloxías “no ámbito da economía da cidade”.

En rolda de prensa, o rexedor detallou que o evento de innovación tecnolóxica terá lugar na Fundación Provigo, da que forma parte, entre outras institucións e empresas, o Concello olívico.

O alcalde puxo en valor o desenvolvemento destas xornadas nun momento no que, ao seu xuízo, a economía da cidade atópase nun proceso de reactivación. Abel Caballero incidiu así mesmo na importancia do desenvolvemento do “proceso 4.0” e asegurou que a cidade aspira a situarse á vangarda da innovación tecnolóxica.