O Concello de Vigo iniciará o próximos luns as obras para converter nunha rotonda o cruzamento da Avenida do Tranvía e a saída da AP-9, nas proximidades do aeroporto de Peinador e do Instituto Feiral de Vigo.

Así o avanzou o alcalde olívico, Abel Caballero, quen sinalou que o Concello acaba de recibir a autorización do Ministerio de Fomento para esa actuación, de maneira que este mesmo xoves tramítase o expediente de obra.

O rexedor tamén advertiu de que, co inicio dos traballos, cuxa finalización está prevista para maio, produciranse restricións no tráfico, que será regulado pola Policía Local.