InicioEconomíaO fondo Platinum compra a pesqueira viguesa de conxelados Iberconsa

O fondo Platinum compra a pesqueira viguesa de conxelados Iberconsa

A operación pecharase no segundo trimestre deste ano e Alberto Freire continuará como conselleiro delegado da empresa con sede na cidade olívica

PUBLICADO O

O fondo de capital risco americano Platinum Equity fíxose cunha participación maioritaria do Grupo Ibérica de Conxelados SA (Iberconsa), con sede en Vigo, que estaban en mans do fondo Portobello Capital. Así o informou Platinum este xoves a través dun comunicado na súa web, no que apunta que “se espera que a transacción se peche no segundo trimestre de 2019″.

Iberconsa é un provedor mundial de produtos do mar conxelados e un dos líderes en España. Os produtos da compañía, que inclúen pescada, lagostino e lura, véndense en máis de 60 países. Ten unha frota propia de 45 embarcacións, que opera principalmente en Arxentina, Namibia e Sudáfrica. Ademais, conta con cinco plantas de procesamento e catro instalacións de distribución de cámaras frigoríficas.

Alberto Freire continuará como conselleiro delegado de Iberconsa tras a transferencia de propiedade. “Cremos no futuro da nosa empresa e confiamos en que Platinum Equity é o socio adecuado para axudarnos a alcanzar a próxima etapa de crecemento e expansión“, asegura.

Pola súa banda, vendedores e membros do equipo directivo de Iberconsa serán investidores minoritarios. Os termos financeiros da operación non foron revelados e fontes de Iberconsa consultadas por Europa Press limitáronse a trasladar que esta venda “é unha boa noticia”.

VALORACIÓNS DE PLATINUM E PORTOBELLO

O socio de Platinum Louis Samson destaca que “Iberconsa estableceuse como un líder nos mercados aos que actualmente presta servizo”, de forma que “a compañía creceu substancialmente nos últimos anos e pode beneficiarse da experiencia operativa de Platinum para axudar a maximizar os beneficios da súa escala maior”. Ademais, ten a intención de facer crecer máis o negocio “a través de novas adquisicións”.

O fondo de investimento Platinum foi fundado en 1995 polo multimillonario e membro da lista Forbes Tom Gores, actual dono da franquía da NBA dos Detroit Pistons. No comunicado, o fondo investidor enmarca esta compra no seu crecente impulso ás adquisicións en Europa o último ano.

Pola súa banda, Juan Luís Ramírez, socio fundador de Portobello Capital, dixo estar “orgulloso” de “todo o que Iberconsa logrou” durante o tempo que foron accionistas maioritarios da compañía, con expansión da frota e crecemento no mercado.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...