InicioEconomíaCentos de persoas piden en Vigo a fin da peaxe a Redondela

Centos de persoas piden en Vigo a fin da peaxe a Redondela

Esixiron a conversión da AP-9 en tramo urbano desde as Torres de Padín a Vigo.

PUBLICADO O

“Supresión da peaxe de Rande, autoestrada urbana desde Padín”. Baixo ese lema varios centos de persoas se manifestaron este sábado polas rúas de Vigo para reclamar a supresión da peaxe da AP-9 en Redondela.

“El pueblo unido, jamás será vencido”, “Non máis promesas, queremos solucións” ou “E que carallo pasa co atraco de Audasa” foron algúns dos lemas que se corearon na protesta na que participaron dirixentes políticos das forzas con representación no consistorio vigués.

Protesta para reclamar a supresión da Peaxe a Redondela / Miguel Núñez

A protesta foi organizada polas asociacións de veciños das parroquias de Teis (Vigo) e Chapela (Redondela), cuxos representantes, Marcial Pérez e Anxo Igrexas, defenderon que, para satisfacer esta demanda, só fai falta “vontade política”. Tamén se sumaron a ela a Federación Veciñal Eduardo Chao (Favec) de Vigo e a Asociación de Transportistas da provincia de Pontevedra (Asetranspo).

Manifestación contra a peaxe a Redondela da AP-9 / Miguel Núñez

Ademais da supresión da peaxe, os representantes veciñais esixiron a conversión da AP-9 en tramo urbano desde as Torres de Padín a Vigo co fin de desconxestionar o tráfico nos barrios de Teis e Chapela, así como a instalación de pantallas acústicas.

Integrantes de En Marea na manifestación contra a peaxe de Redondela / Miguel Núñez
Elena Muñoz e outros cargos do PP na manifestación en contra da peaxe da AP-9 / Miguel Núñez

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...