A Consellería do Mar concluirá este venres as mostraxes nos bancos marisqueiros da ría de Vigo, unha campaña destinada a avaliar o impacto dos temporais e da baixada da salinidade nas zonas de produción. Ata o banco marisqueiro de Areiño, en Vigo, desprazouse este xoves a directora xeral de Desenvolvemento Pesqueiro, Ángeles V. Suárez, para supervisar os traballos que se están a realizar no terreo.
As análises están a ser levadas a cabo polos biólogos de zona da Consellería do Mar e polas asistencias técnicas das confrarías, no marco dunha campaña extraordinaria de avaliación que o Executivo galego desenvolve nas últimas semanas nos bancos marisqueiros de Galicia. Estas mostras permitirán obter datos científicos sobre o grao de afectación dos bancos, que posteriormente serán comparados cos resultados das mostraxes realizadas en outubro de 2025.
Segundo indicou a Xunta nun comunicado, aquelas análises previas apuntaban a unha evolución favorable dos bancos marisqueiros, cunha presenza significativa de biomasa de talla precomercial, o que facía prever unha progresiva recuperación da produción nos próximos meses.
Compartir:
- Compartir en Facebook (Se abre en una ventana nueva) Facebook
- Share on X (Se abre en una ventana nueva) X
- Share on LinkedIn (Se abre en una ventana nueva) LinkedIn
- Share on Telegram (Se abre en una ventana nueva) Telegram
- Share on WhatsApp (Se abre en una ventana nueva) WhatsApp
- Share on Mastodon (Se abre en una ventana nueva) Mastodon
- Share on Bluesky (Se abre en una ventana nueva) Bluesky
