O grupo Darlim, do municipio pontevedrés do Porriño, anunciou a compra da compañía madrileña Maudel, distribuidor especializado en maquinaria e útiles de limpeza profesional. Nun comunicado, a empresa detallou que a operación foi pechada en setembro e é un “paso crucial” na estratexia de crecemento e excelencia de Darlim. O obxectivo principal pasa por reforzar a división de maquinaria industrial e o Servizo de Asistencia Técnica (SAT).

Maudel, con sede en Madrid e unha facturación superior a 4,5 millóns euros cun equipo humano altamente cualificado de 14 persoas, achega unha alta especialización na comercialización, aluguer e mantemento de equipos. O presidente do grupo Darlim, Indalecio Cuevas, sinalou que a incorporación de Maudel permite “alcanzar a excelencia” no alicerce de servizo e “facer realidade” o concepto de ‘Interlocutor Único’ para o cliente profesional.

“Con esta adquisición, non só integramos un equipo humano altamente cualificado en maquinaria, senón que fortalecemos a capacidade de resposta inmediata da nosa rede de distribución a través do noso seis centros loxísticos con sedes en Galicia, Asturias, Castela e León e Madrid e máis de 40 vehículos de repartición”, apuntou Cuevas.