InicioEconomíaA Xunta adxudica a construción de 58 vivendas de promoción pública en...

A Xunta adxudica a construción de 58 vivendas de promoción pública en San Paio de Navia

A Consellería de Vivenda e Planificación de Infraestruturas adxudicou a redacción do proxecto e a obra de construción de 58 vivendas de promoción pública que se levantarán nas parcelas M-IVB-20 e M-IVB-22 de San Paio de Navia, en Vigo, cun investimento total de 12,5 millóns de euros.

PUBLICADO O

- Advertisement -

A Consellería de Vivenda e Planificación de Infraestruturas adxudicou o contrato para a redacción do proxecto e construción de 58 vivendas de promoción pública en San Paio de Navia, cun investimento global que supera os 14,5 millóns de euros. O financiamento corre a cargo nun 87,3 % da Xunta de Galicia e nun 12,7 % da Unión Europea, a través do Plan de Recuperación, Transformación e Resiliencia.

O contrato foi licitado en dous lotes. O primeiro, que inclúe 37 vivendas na parcela M-IVB-20, foi adxudicado á UTE Xac S.L./Orega S.L. por un importe de 7,96 millóns de euros. O segundo, correspondente a 21 vivendas na parcela M-IVB-22, executarase a través da empresa Acciona Construcción, S.A., cun orzamento de 4,52 millóns de euros.

O prezo de adquisición das parcelas suma máis de dous millóns de euros, o que eleva o investimento total por riba dos 14,5 millóns de euros.

Estas novas promocións forman parte da segunda fase de construción de vivendas de promoción pública en San Paio de Navia mediante técnicas industrializadas. A primeira fase foi adxudicada este mesmo luns, con 57 vivendas nas parcelas M-IVE-3 e M-IVE-6, no mesmo polígono, cun investimento total de 12,23 millóns de euros.

O proxecto en San Paio de Navia busca ampliar o parque de vivenda pública en Vigo, proporcionando novas opcións de acceso á vivenda para os cidadáns mediante un modelo de construción máis eficiente e sustentable.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...