O Diario Oficial de Galicia (DOG) publica este xoves a resolución do encargo a medio propio realizado á empresa pública Tecnoloxías e Servizos Agrarios (Tragsatec) para dar apoio técnico e administrativo na xestión da intervención acordada respecto dos contratos de servizos de transporte sanitario de Vigo.

En concreto, Tragsatec será a encargada de tarefas técnicas e auxiliares necesarias de apoio á intervención do servizo de transporte sanitario acordado respecto dos servizos urxentes e non urxentes da área Sanitaria de Vigo. Ela encargarase da revisión e o seguimento da confección de nóminas dos traballadores do servizo por parte da empresa adxudicataria do servizo intervido.

Tamén analizará posibles reclamacións dos empregados á compañía, en relación a nóminas actuais e ás dos primeiros meses deste ano. Entre outras tarefas, Tragsatec tamén revisará os pagos pendentes ás empresas colaboradoras e a provedores por parte da adxudicataria, así como levará a cabo informes técnicos que lle sexan solicitados pola intervención do servizo.