InicioEconomíaUn laboratorio do Porriño lanza a primeira vacina contra a enfermidade hemorráxica...

Un laboratorio do Porriño lanza a primeira vacina contra a enfermidade hemorráxica epizoótica

O grupo con sede no Porriño priorizará o mercado español ante a situación de emerxencia pola morte de vacas

PUBLICADO O

- Advertisement -

O grupo Zendal lanza ao mercado a primeira vacina para previr o virus da enfermidade hemorráxica epizoótica, serotipo 8. Esta semana recibiu a autorización temporal de uso por parte da Axencia Española do Medicamento e Produtos Sanitarios que permite o seu uso na especie bovina.

O serotipo 8 do virus da EHE foi diagnosticado por primeira vez no suroeste de España en novembro de 2022. Posteriormente, detectouse a difusión desta enfermidade que afecta especialmente aos rumiantes en todo o territorio estatal –salvo Baleares e Canarias–, incluída Galicia, onde se produciron decenas de mortes de vacas en varios focos.

O grupo biotecnolóxico con sede no Porriño priorizou o desenvolvemento desta nova vacina por petición do Ministerio de Agricultura ao tratarse dunha situación de emerxencia sanitaria. Para logralo contou a colaboración da Axencia do Medicamento que “se mostrou sensible en todo momento á necesidade da gandaría axilizando o máximo posible as autorizacións sen por iso reducir os requisitos indispensables para garantir a calidade, seguridade e eficacia da mesma”.

Agora, Zendal priorizará o mercado español no seu plan de vendas desta vacina. Haberá unha primeira fase de produción de dous millóns de doses que serán comercializadas por Vetia Animal Heath, filial dedicada á saúde animal.

ÚLTIMAS

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...