InicioEconomíaO Concello anuncia axudas a propietarios para pór en aluguer 13.000 vivendas...

O Concello anuncia axudas a propietarios para pór en aluguer 13.000 vivendas baleiras a prezos “alcanzables”

Subvencionará a fondo perdido o 50 % das obras que sexan necesarias para sacar en aluguer os pisos, ata un máximo de 8.000 euros.

PUBLICADO O

- Advertisement -

Concello de Vigo anunciou a posta en marcha dun programa de axudas a propietarios de vivendas baleiras na cidade para que as poñan en aluguer a prezos “alcanzables”. Nun audio difundido aos medios de comunicación, o alcalde, Abel Caballero, puxo en valor esta iniciativa, que pretende incentivar o aluguer de case 13.000 vivendas que na actualidade atópanse sen moradores, segundo cálculos do goberno local tendo en conta o consumo de auga dos fogares.

En concreto, esta “batería de medidas” inclúe axudas a persoas físicas que non dispoñan de máis de tres inmobles e cunha renda de menos de 70.000 euros ao ano, polo que as empresas non poderán acollerse ás mesmas. Cun orzamento de 150.000 euros para este ano, o obxectivo é que os propietarios poñan en aluguer polo menos durante cinco anos as súas vivendas a prezo “taxado”, para que os vigueses, sobre todo os máis novos, poidan acceder a un piso “alcanzable”, segundo reivindicou Caballero.

“Son axudas destinadas a pór no mercado a prezo taxado vivendas que neste momento os seus propietarios poden pensar que non están en condicións de ser alugadas”, engadiu o rexedor, indicando que o Concello subvencionará a fondo perdido o 50 % das obras que sexan necesarias para sacar en aluguer os pisos, ata un máximo de 8.000 euros.

Aquí inclúense traballos como o pintado, a reparación de cociñas, baños ou a mellora da instalación eléctrica, entre outras. Ademais, o goberno local pagará o 100 % do custo de emisión do certificado enerxético, cun máximo de 100 euros; ademais de que asumirá o 100 % do seguro de falta de pagamento e multirisco, cun máximo de 300 euros ao ano (1.500 euros nos cinco anos).

Tal como explicou Abel Caballero, as vivendas que poden optar a estas axudas son aquelas que estean baleiras, situadas en Vigo e cuxos propietarios non dispoñan de máis de tres inmobles. Ademais, nelas non pode haber ninguén empadroado desde seis meses antes de solicitar a subvención, mesmo período desde o cal non pode haber un contrato de aluguer no domicilio.

Ademais, os propietarios deberán estar ao corrente do pago das súas obrigacións tributarias co Concello e as vivendas terán que estar en aluguer con prezo taxado durante polo menos cinco anos. As axudas serán por concorrencia non competitiva. A pesar de lanzarse este ano, o alcalde recoñeceu que entre que se pon en marcha “vaise a ir” gran parte do exercicio.

ÚLTIMAS

O Museo do Mar de Galicia difunde o legado de Luísa Villalta cunha mostra do seu legado e traxectoria

O director xeral de Cultura, Anxo M. Lorenzo, inaugurou este luns no Museo do...

Alerta na praia de Samil por exercicios de rescate marítimo

Un exercicio de adestramento de rescate marítimo alertou na tarde deste luns aos bañistas...

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...