InicioEconomíaA Xunta asegura que velará pola selección dun proxecto viable para Fandicosta...

A Xunta asegura que velará pola selección dun proxecto viable para Fandicosta tras reunirse co comité

PUBLICADO O

O secretario xeral de Industria, Nicolás Vázquez; a directora do Instituto Galego de Promoción Económica (Igape), Covadonga Toca, e a directora de XesGalicia, Raquel Rodríguez, mantiveron este pasado luns unha reunión de traballo co comité de empresa e representantes de Fandicosta, que entrou en preconcurso de acredores o pasado mes de outubro.

No encontro, ademais de falar da situación actual da pesqueira galega, Vázquez, Toca e Rodríguez subliñaron que a Xunta velará pola selección dun proxecto industrial “que garanta a viabilidade” da firma. Eles explicaron que o Goberno autonómico actuará dentro das súas capacidades no proceso de procura de comprador para Fandicosta, da cal a Xunta posúe máis do 12 % das accións. O obxectivo é seleccionar a oferta que teña en conta un plan de viabilidade industrial e maximice a preservación dos postos de traballo.

Así, comprometéronse, segundo recolle a Xunta nun comunicado, a seguir “vixiantes” a evolución dos acontecementos e a situación da empresa, por ser un “referente” na cadea mar-industria. Tras esta reunión, este martes levouse a cabo o segundo encontro de negociación do expediente de regulación temporal de emprego (ERTE) que expuxo a empresa para a súa factoría de Domaio, en Moaña. A intención inicial da firma é que afecte a unhas 111 persoas, máis da metade do persoal. Por iso, celebraranse asembleas informativas cos empregados e darase a coñecer o resultado das mesmas o mércores.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...