A factoría viguesa do grupo automobilístico Stellantis volverá parar parte da súa produción este venres, día 4 de agosto, debido á falta de certos compoñentes necesarios para a ensamblaxe dos seus vehículos.
Tal como informou a compañía aos traballadores, o Sistema 2 da fábrica de Balaídos, onde se montan as furgonetas das diferentes marcas do consorcio, permanecerá sen actividade nas tres quendas do venres.
“Por causas de forza maior, a consecuencia da falta de aprovisionamentos, suspéndese a actividade do Sistema 2 no tres quendas do venres 4 de agosto”, informou a empresa. Todo iso debido á falta de compoñentes, que obrigou a Stellantis Vigo a deter a súa actividade en reiteradas ocasións nos últimos anos.
