O centro tecnolóxico Gradiant cumpriu 15 anos, atraendo neste tempo máis de 85 millóns de euros, e lsumar 177 empregados, e participación en 727 proxectos, segundo o balance realizado en rolda de prensa polo seu director, Luís Pérez Freire, e o seu xerente, Fernando Jiménez.

Dos 85 millóns de euros mobilizados, case 11 correspóndense con programas europeos de innovación, outros 12,7 millóns procederon doutras entidades galegos e máis de 27 millóns de euros foron captados directamente de empresas.

Desde os seus comezos, este centro tecnolóxico logrou ingresar máis de 75 millóns de euros, dos que o 10 % procederon de licenzas de tecnoloxía desenvolvidas para empresas. Así, Luís Pérez Freire destacou que Gradiant converteuse nunha “entidade de referencia no I+D+i”, e está entre os centros TIC máis importantes de España”, cun resultado de de 8,6 millóns de euros de ingresos o pasado ano 2022 (un 45 % máis que no exercicio anterior).

Nestes 15 anos, Gradiant formou a máis de 300 profesionais, e actualmente conta cun persoal consolidado de 177 persoas. Ao longo da súa traxectoria, máis de 400 clientes confiaron “” neste centro tecnolóxico, que participou en 727 proxectos orientados á industria (un 13 % de ámbito internacional).