Os edificios da antiga ETEA, o de Siemens e o de Faraday será exclusivamente para proxectos de investigación. Así o suliñou este luns o delegado da Zona Franca, David Regades. Deste xeito, o primeiro albergará proxectos de emprendemento, mentres que o edificio Faraday, albergará soamente investigación e innovación.

Tras unha xuntanza co reitor da Universidade de Vigo, Manuel Reigosa, sinalou que a intención de Zona Franca é licitar antes de final de ano as obras de reforma do edificio Siemens. Descartase así a instalación de crear nel dun centro de innovación gastronómico, como expuxera a anterior delegada, Teresa Pedrosa.

Tamén explicou que o organismo que dirixe pedirá unha reunión coa Xunta para abordar os investimentos comprometidos polo goberno autonómico, que anunciou que destinaría 3 millóns de euros á rehabilitación do Faraday. Neste sentido, Manuel Reigosa confirmou tamén que o edificio Faraday, ademais de albergar actividade científica vinculada co Campus do Mar, será sede da Universidade de Verán.

Outros convenios

Universidade e Zona Franca acordaron asinar un “convenio marco” que englobará todas as actuacións que levan a cabo conxuntamente. Tamén reforzarán a Cátedra Ardán, que incluirá indicadores de igualdade e economía circular; a Cátedra Zona Franca, vinculada á investigación e aos traballos de fin de grao e fin de máster e estreitar a colaboración da Universidade co programa Vía Exterior, para favorecer a internacionalización de empresas.

Tamén apostan por impulsar iniciativas no ámbito da aeronáutica e tamén traballar conxuntamente no proxecto Vía Galicia. A ese respecto, o reitor da UVigo expresou a súa “satisfacción” porque se manteña e afortale a cooperación, e subliñou que ámbalas institucións deben ser “importantes para a área socioeconómica” de Vigo.