InicioDeportesEquipos de todo o mundo participan no Torneo Internacional Michel Salgado

Equipos de todo o mundo participan no Torneo Internacional Michel Salgado

Celebrarase do 19 e 28 de agosto nas instalacións deportivas da Madroa e no campo José Costas de Candeán.

PUBLICADO O

Equipos de todo o mundo participarán no Torneo Internacional Michel Salgado, que se celebrará entre os próximos 19 e 28 de agosto nas instalacións deportivas da Madroa e no campo José Costas de Candeán, en Vigo.

O secretario xeral para o Deporte, José Ramón Lete Lasa, e a delegada territorial da Xunta en Vigo, Marta Fernández-Tapias, asistiron este venres á presentación do M2 Cup Torneo Internacional Michel Salgado, levada a cabo na sede do Real Club Celta.

Esta terceira edición do evento, que é apoiado pola Xunta, aspira a converterse no mellor torneo internacional de España e un referente a nivel mundial.

Neste sentido, Lete Laza agradeceu ao exfutbolista Michel Salgado, natural do concello pontevedrés das Neves, a súa aposta por Galicia para acoller este torneo e a posibilidade de que os clubs máis modestos poidan participar para medirse ás grandes canteiras internacionais.

Fernández-Tapias destacou a importancia de que Vigo acolla eventos tan importantes como este “polo que significa para a cidade, polo que supón para o fomento do deporte base e polos valores que representa de compañeirismo, esforzo, traballo, respecto e superación”.

O III Torneo Internacional Michel Salgado dará comezo o 19 de agosto e prolongarase ata o 28 deste mes. Contará con equipos de diferentes categorías de España e estranxeiros, desde prebenxamíns, benxamíns e alevíns, que xogarán na modalidade de fútbol 8; ata infantil, cadete e xuvenil, que xogarán con 11 en cada equipo.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...