InicioCulturaA rapazada de Tui convivirá dous días na Aloiada 2022 polo "coidado...

A rapazada de Tui convivirá dous días na Aloiada 2022 polo “coidado ao medio ambiente”

O Concello de Tui vai contratar dúas persoas ao abeiro do programa “Primeira experiencia profesional” da Deputación de Pontevedra.

PUBLICADO O

Máis de 120 alumnos e alumnas de 6º de Primaria e unha trintena de profesores e profesoras de seis centros educativos de Tui van participar na Aloiada 2022 este xoves 16 e este venres 17 de xuño. Trátase dun proxecto de actividades na natureza que tras dous anos de ausencia debido á pandemia volve celebrarse esta semana.

A presentación desta actividade tivo lugar este martes na casa do concello por parte de Enrique Cabaleiro, alcalde de Tui; Sonsoles Vicente, concelleira de Ensino; Rafael Estévez, concelleiro de Deportes; e as direccións e profesorado de colexios da contorna. O alcalde de Tui, Enrique Cabaleiro, destacou que é “moi importante concienciar o alumnado no respecto e coidado do medio ambiente”; e a concelleira de Ensino, Sonsoles Vicente, amosou tamén a súa satisfacción por celebrar a Aloiada con dous días de “unión e de crear sinerxías entre o alumnado e o profesorado”. 

Como novidades este ano, a rapazada non quedará a durmir, mais incorporarase un taller de Slack Line co grupo Scouts Alhoia. O xoves, no Galiñeiro, o alumnado realizará obradoiros de escalada, rappel, primeiros auxilios, nós, orientación e unha andaina. Xa o venres terán unha xornada de sendeirismo con rutas polo Parque Natural do Monte Aloia, percorrerán a senda dos muíños do Tripes, xantarán no Penedo, e pola tarde practicarán piragüismo.

PRIMEIRA EXPERIENCIA PROFESIONAL

Noutra orde de cousas, o Concello de Tui vai proceder á contratación de dúas persoas ao abeiro do programa ‘Primeira experiencia profesional’ da Deputación de Pontevedra. Será unha persoa coa titulación de xornalismo e outra coa diplomatura en biblioteconomía ou grao en información e documentación.

As persoas interesadas en participar no proceso de selección para a contratación formativa destas dúas persoas deberán estar inscritas no Servizo Público de Emprego, xa que a preselección se realizará a través desta oficina. Os códigos de ocupación nos que deben estar inscritas é o 29.221.044 para xornalismo, e o 291.21.018 para biblioteconomía.

A duración do contrato formativo será de 6 meses prorrogables outros 6. As bases completes poden consultarse en www.tui.gal.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...