InicioDeportesDenis Súarez presenta no seu Salceda natal unha Escola de Fútbol para...

Denis Súarez presenta no seu Salceda natal unha Escola de Fútbol para o “desenrolo integral” dos nenos

PUBLICADO O

- Advertisement -

O equipo de traballo de Denis Suárez, centrocampista do F.C. Barcelona, presentoulle esta semana ao goberno do Concello de Salceda o proxecto de comunidade educativa da Escola de Fútbol Denis Suárez, recentemente creada no municipio e que botará a andar nesta tempada 2018/2019.

Preséntase un proxecto cunha metodoloxía específica, para converterse nunha escola que contará con un elemento diferenciador que é a comunidade educativa, no que se pretende un desenvolvemento integral dos nenos e nenas, co obxectivo xeral de conseguir a mellora e desenvolvemento das habilidades dos cativos e cativas para estimular as súas potencialidades nas diferentes áreas: área familiar, área social, área formativa, área de saúde, área cognitivo-conductual e área emocional.

O proxecto pretende seguir sumando na aposta polo traballo cos nenos e nenas de Salceda usando a propia escola e o deporte como ferramenta de traballo, acadando unha mellora na confianza en si mesmos e na autonomía persoal dos e das menores.

Para elo pártese dunha metodoloxía biopsicosocial basada en tres aspectos importantes: unha parte biolóxica que fai referencia ó funcionamento do corpo, unha parte psicolóxica na que se pretende traballar o pensamento, emoción e comportamento e finalmente a parte social, onde se atenden os factores sociais e culturais da sociedade salcedense.

Todo este traballo levarase a cabo a través da creación dunha escola de pais e nais, entrevistas individuais, sesións de coaching, talleres grupais e seminarios, tendo en conta a importancia do traballo en rede cos distintos profesionais que forman parte do día a día dos nenos e nenas.

O Alcalde e o resto do equipo de goberno trasladaron o seu agradecemento a Denis Suárez e ao seu equipo de traballo, “conscientes de que estamos a falar dunha oportunidade de ouro para os nenos e nenas de Salceda, que chega da man dun salcedense comprometido cos seus veciños e veciñas, e preocupado polo desenrolo integral dos cativos e cativas, e que en máis dunha ocasión ten manifestado o seu interese por ofrecerlles todo o que estea na súa man”.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...