InicioSociedadeO Marisquiño confirma o seu regreso este verán cunha edición adaptada á...

O Marisquiño confirma o seu regreso este verán cunha edición adaptada á Covid

A situación do momento en que se celebre determinará a localización das diferentes probas e actividades do evento, a súa estrutura, a mobilidade e o seu contido.

PUBLICADO O

O Festival do Marisquiño confirma o seu compromiso de regresar en 2021. Tras a reunión mantida este mércores coa Autoridade Portuaria, proseguen os acordos coas Institucións Públicas patrocinadoras do evento ao redor dunha edición especial cuxa prioridade será a de garantir a seguridade sanitaria e do persoal do público, deportistas e traballadores.

Así pois, segundo informan, o Festival adoptará todas as medidas necesarias para a súa celebración en función da evolución da pandemia, así como da situación das obras iniciadas nas Avenidas para o que manterá reunións técnicas co Porto de Vigo. A situación do momento en que se celebre determinará a localización das diferentes probas e actividades do evento, a súa estrutura, a mobilidade e o seu contido. Para iso, “está a traballarse en todos os escenarios posibles, desde o máis restritivo -sen público- ata un máis flexible que permita a súa asistencia segundo marque a lexislación do momento sobre aforamentos e accesibilidade seguras”; indican.

A intención da organización é manter a titularidade do tres Copas do Mundo que se celebran cada verán -Skate, Dirt Jump e Basket-, ademais da proba de Bmx Freestyle que, por primeira vez, se incorpora como disciplina olímpica en Tokyo 2021 xunto o Skate e o Basket 3×3.

Ata a data, o Festival chegou a acordos co Concello de Vigo, Deputación de Pontevedra, Zona Franca e Autoridade Portuaria que ratifican o seu apoio ao evento, mais informan de que se segue “á espera da resposta da Xunta de Galicia” para completar a implicación das cinco institucións públicas que patrocinan o Festival.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...