O internacional español Iago Aspas, que onte á noite completou o partido que enfrontou o seu equipo, o Celta, ao Espanyol (1-1) no estadio de Balaídos, e acumula xa 538 minutos sen marcar en Liga, no que é o seu segundo peor arranque goleador desde que regresou a Vigo no verán de 2015.

Ao dianteiro galego, máximo goleador do Estado nas últimas tres tempadas, adóitalle custar marcar o seu primeiro gol en LaLiga, como demostra o dato de que neses últimos tres campionatos nunca marcou nas dúas primeiras xornadas.

O pasado curso estreouse como goleador ante o Atlético de Madrid na terceira xornada; e hai dúas tempadas o seu primeiro tanto non chegou até o oitavo partido ligueiro, cando cun triplete ante a UD As Palmas rompeu unha seca goleadora de 630 minutos.

Un ano antes, na campaña 2016-17, na que os celestes acabarían xogando as semifinais da Europa League, Iago Aspas marcou o seu primeiro gol no campionato nacional, de penalti ante o Sporting de Xixón,na xornada cinco.