O paso dos neofascistas seareiros do Betis deron que falar ese fin de semana en redes e na prensa lusa que non pasaron por alto a resposta do clube aos cánticos e saudos fascistas en Balaidos.
Como resposta a estes cánticos, o celta fixo sonar na megafonía do estadio cancións como o Bella Ciao ou Grândola Vila Morena, símbolos da resistencia antifascista en Italia e Portugal. Un detalle que non pasou desapercibido nos principais medios de comunicación lusos.
Uma fação de adeptos do Betis fez a saudação nazi e entoou um hino fascista durante o jogo em casa do Celta.
— B24 (@B24PT) February 10, 2025
Então, no final da partida e enquanto os adeptos visitantes esperavam para sair, o Celta meteu a "Grândola, Vila Morena" nas colunas do estádio. pic.twitter.com/IeeiJ2R8tb
Antecedente de sancións por feitos similares
O Comité de Apelación da UEFA impuxo hai 4 meses ao Atlético de Madrid unha multa de 30.000 euros polos saúdos nazis dalgúns dos seus afeccionados durante o partido da segunda xornada da liga de Campións contra o Benfica no estadio Dá Luz de Lisboa.
Ademais, tamén acordou sancionar á entidade madrileña coa prohibición da venda de entradas aos seus afeccionados como visitantes durante un partido de competición europea, aínda que dita suspensión queda supeditada a que non se repitan ese tipo feitos nun período dun ano.
De momento LA LIGA nin a RFEF pronunciáronse sobre o asunto.
