O multiinstrumentalista galego, Abraham Cuperio, actuou este sábado na previa do RC Celta – FC Barcelona en Balaídos. Foi unha actuación única, creada para a ocasión, na que o músico lucense salou ao terreo de xogo para tocar o carnix evocando o espírito guerreiro dos nosos antergos celtas.
Unha ambientación musical que converteu o terreo de xogo nun auténtico campo de batalla ao que saltarán os 11 guerreiros celestes para enfrontarse ao Barcelona de HansiFlick. Natural de Sarria, Abraham confesa que a súa paixón polo Celta é froito do amor cara ao seu irmán, gran seguidor do club.
Un sentimento de herdanza que sorprendeu aos afeccionados de Balaídos cunha actuación baseada nas nosas raíces máis ancestrais. Con gran presenza e portando unicamente un carnix, instrumento de vento da Idade do Ferro, a súa melodía resoará en todo o estadio do mesmo xeito que os celtas o tocaban no campo de batalla para intimidar ao inimigo.
Abraham Cupeiro é un artista único, capaz de sorprender a todo o público co seu característico estilo musical recuperando sons do pasado. Á súa vez, constrúe os seus propios instrumentos o que imprime aínda máis peculiaridade ás súas actuacións, Acaba de participar en bandas sonoras de diferentes películas de Hollywood, a máis recente Gladiator II, de Ridley Scott, onde incorpora os sons do carnix, do Cornu ou do aulós grego.
