InicioDeportesManifestación en Vigo pola oficialidade das seleccións deportivas galegas

Manifestación en Vigo pola oficialidade das seleccións deportivas galegas

Vía Galega denuncia a falta de apoio institucional e esixe orzamento para os equipos galegos

PUBLICADO O

- Advertisement -

Unhas 200 persoas manifestáronse este venres en Vigo para reclamar a oficialidade das seleccións deportivas galegas e, en concreto, da selección galega de fútbol, tanto masculino como feminino, nunha marcha reivindicativa impulsada por Vía Galega e por penas deportivas de toda Galicia. A marcha, na que participaron a portavoz nacional do BNG, Ana Pontón, a candidata ás europeas, Ana Miranda, e o portavoz municipal nacionalista, Xabier Pérez Igrexas, saíu desde a Praza América sobre as 18:30 horas, en dirección ao estadio de Balaídos, onde o combinado galego disputa ás 20:00 horas un partido contra a selección de Panamá.

Tras unha gran bandeira ‘estrelada’ e unha pancarta coa lema ‘Unha nación, unha selección‘, a marcha discorreu pola rúa Fragoso no medio de cánticos reivindicativos, música, bengalas e berros de solidariedade con Palestina, entre outras consignas. O portavoz de Vía Galega, Anxo Louzao, sinalou que a oficialidade das seleccións deportivas galegas é unha reivindicación “de hai anos” e proclamou que accións como a deste venres en Vigo pretenden pór en valor o “dereito de Galicia como nación a poder competir”. “Se hai seleccións doutras nacións que non teñen Estado, que menos que Galicia teña unha selección, neste caso de fútbol”, afirmou. Louzao lamentou que houbese que esperar 8 anos desde o último partido de ‘A Irmandiña’, e criticou a pouca proxección e difusión que se fai dos escasos eventos da selección galega por parte das institucións. “A nosa selección une a todos os galegos, crea cohesión e traslada un sentimento”, reivindicou.

Segundo incidiu, mentres non se logra o “obxectivo estratéxico” da oficialidade das seleccións, ha de esixirse á Xunta, da que censura o seu “deixamento”, e á Federación Galega de Fútbol que fixen un calendario estable das citas da selección. A xuízo de Vía Galega, as seleccións deportivas de Galicia debería contar con “orzamento específico” por parte do goberno galego e que non ocorra, como pasa con ‘A Irmandiña’, que teñan que “ir mendigando para ter partidos”. “Galicia é unha potencia. Podemos conformar unha selección que pode competir a calquera nivel”, sentenciou.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...