InicioDeportesTeresa Portela, a canguesa que gaña o VIII Premio Executivas de Galicia...

Teresa Portela, a canguesa que gaña o VIII Premio Executivas de Galicia por tres décadas adicadas ao piragüismo

PUBLICADO O

- Advertisement -

A piragüista Teresa Portela foi a elixida para recibir o VIII Premio Executivas de Galicia, que se entregará en próximo 17 de xaneiro en Pontevedra. Segundo comunicou a Asociación Executivas de Galicia, trátase dun recoñecemento á súa “destacada traxectoria” no ámbito do piragüismo.

“Esta edición busca resaltar o papel da muller no ámbito deportivo, especialmente no piragüismo, onde a presenza feminina foi historicamente subestimada“, comunicou a asociación. A piragüista canguesa dedicou tres décadas á súa carreira deportiva, anos que Executivas de Galicia valorou como “sobresalientes”. Destacaron tamén que se trata da “primeira muller española en participar en seis Xogos Olímpicos”, dos cales conseguiu a medalla de prata nos Xogos de Tokyo 2021.

Ademais, a asociación tamén subliñou a súa formación académica, dado que Teresa Portela é graduada en Fisioterapia e completou a diplomatura de Maxisterio de Educación Física. Desta forma, Portela únese ás galardoadas en edicións anteriores, entre as que se atopan a bióloga Marisol Soengas, a CEO Adriana Domínguez, a comunicadora Silvia Jato, a científica África González, a pianista Isabel Dobarro e a cofundadora de Aceites Abril María del Carmen Canal.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...