InicioCulturaI Torneo Nacional de Debate Retórica da UVigo

I Torneo Nacional de Debate Retórica da UVigo

Participan dez equipos de sete universidades diferentes.

PUBLICADO O

O I Torneo Nacional de Debate Retórica da Universidade de Vigo (UVigo) comezou este venres no Edificio Redeiras (Vigo) coa participación de dez equipos de sete universidades diferentes (UVigo, Universidade de Santiago de Compostela, Universidade da Coruña, Universidade das Illas Baleares, Universidade Abad Oliba CEU (Barcelona), CUNEF Universidade (Madrid) e a Universidade de Xaén).

Segundo informou o Diario Oficial da Universidade de Vigo (DUVI), nesta primeira xornada dividíronse os equipos participantes en dúas ligas, conformadas por cinco equipos cada unha, dos cales pasarán á seguinte rolda os dous primeiros, equipos que se enfrontarán entre si en varias eliminatorias ata chegar á gran final.

Todos os debates realizados este venres viraron sobre a mesma pregunta: A transición á enerxía verde garantirá a autosuficiencia enerxética da Unión Europea?

Tal e como destacou o DUVI, detrás de cada un dos debates, atópanse observando cada detalle tres xuíces que son os encargados de decidir que equipo é merecedor de gañar cada un dos enfrontamentos.

Por parte da UVigo, participan neste torneo, que durará ata este domingo, 27 de novembro, tres equipos que están conformados por 11 estudantes. “Todos son membros da asociación Retórica”, explicou o presidente da Asociación de Debate Universitario Retórica da UVigo, Santiago Janeiro.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...

Vigo terá un superávit do 1,1 % en 2024

A Autoridade Independente de Responsabilidade Fiscal (AIReF) ten a previsión de que todos os concellos en España...