Incubus e Editors estiveron á altura no Festival Vilar de Mouros (concello de Caminha), preto da fronteira entre Galicia e Portugal, polo que moitos vigueses se achegaron a unha das maiores citas musicais da península.

Ambos empregáronse a fondo e tocaron temas novos e tamén os seus maiores éxitos. Eclécticos, con anos e anos de experiencia ás súas costas, cunha base tradicional sen deixar de lado o electrónico. Incubus, de feito, mesturou o labor do DJ coa rudeza das súas guitarras.

Incubus son un grupo californiano nado en 1991, que axudou a definir estilos tan diferentes como o nu metal, o post-grunge ou o funk rock. Entre as súas obras máis eloxiadas, atópanse S.C.I.E.N.C.E., Morning View ou Make Yourself.

A paixón do vocalista, Brandon Boyd, destacou durante toda a súa actuación.

Pola súa banda, o público desfrutou con tranquilidade pero tamén emoción o traballo dos artistas.

Os Editors, en cambio, pertencen á vertente post-punk, recollendo a influencia de grupos como The Cure ou Joy Division.

Este grupo británico ofreceu ao público de Vilar de Mouros a escuridade e dramatismo do seu traballo, reflectido xa no barroquismo das súas portadas.

Aínda queda a última noite de concertos no Festival, con nomes tan recoñecidos como o de John Cale (un dos membros fundadores da lendaria Velvet Underground), Los Lobos ou James.