O concerto que Beret tiña previsto ofrecer na noite deste mércores no municipio pontevedrés da Guarda foi aprazado ata o vindeiro venres, por mor de motivos meteorolóxicos. Segundo explicaron os organizadores, o espectáculo terá lugar ás 22,00 horas no mesmo espazo, a chaira do porto.

Este mércores reuníronse representantes da organización, oficina do artista, Concello da Guarda e Xunta de Galicia, que acordaron unanimemente, e “por recomendación das autoridades competentes”, aprazalo por prevención, debido ao forte vento na zona.

Este é o segundo concerto de Beret en Galicia que non se pode celebrar, despois de que este martes tivese que ser cancelada a súa actuación en Vilalba, tamén por causas meteorolóxicas.