O Auditorio Mar de Vigo acollerá o próximo 18 de setembro a banda de percusión israelí Mayumaná, que presentará o seu novo espect´áculo ‘Currents’ no marco do ciclo de artistas internacionais Xacobeo Vigo.

Tal como informaron os organizadores, a banda, que actuou en máis de 20 países, presentará na cidade este espectáculo inspirado na ‘Batalla das correntes’, a disputa histórica que mantiveron os dous empresarios e inventores Thomas Alva Edison, creador da corrente continua, e Nikola Tesla, da corrente alterna que se utiliza hoxe en día.

O auditorio subliñou que os concertos do Ciclo Xacobeo Vigo están a ter unha “gran demanda” de entradas desde que foron anunciados, con algúns deles camiño de esgotar localidades.

É o caso de Texas, que actuará na terraza o 9 de agosto e restan menos de 150 entradas para colgar o cartel de cheo. Steve Vai (17 de xullo), Fat Freddy’s Drop (6 de xullo), Yann Tiersen (22 de xullo) ou Cimafunk (26 de agosto) son outros dos artistas que visitarán a cidade.

Ademais, o Mar de Vigo tamén suma á súa programación habitual o ballet de ‘O Lago dos Cisnes’, interpretado polo Ballet Clásico de Ucraína.